Министерот за земјоделство Цветан Трипуновски денеска попладнево остварил средба со трговците откупувачи во Струмичко, откако викендов раноградинарите реагираа за огромното намалување на откупната цена. На својата ФБ страна првиот човек на МЗШВ – Цветан Трипуновски, објави дека остварил средба и дека откупувачите предложиле зелката во наредните 10 дена да ја откупуваат по минимум 40 денари.
,,На средбата откупувачите предложија во наредните десетина дена минималната откупна цена на пролетната зелка да изнесува 40 денари. Министерството ќе ја следи состојбата со откупот и цената на пролетната зелка, со што следната недела ќе оствариме уште една средба,, напиша министерот Цветан Трипуновски чие доаѓање во Струмица го најави премиерот Христијан Мицкоски во Радовиш
Според министерот, во наредните денови, Државниот инспекторат за земјоделство ќе има засилени контроли на откупувачите во Струмичко со цел да нема менување на цените на дневна основа. Инаку раноградинарите деновиве реагираа и го повикаа министерот за земјоделство, откако откупната цена од 70 викендов падна на 40 денари а прстот го вперија во откупувачите.
Денеска премиерот Христијан Мицкоски од Радовиш кажа дека бил информиран за наглото паѓање на откупната цена на зелката и кажа дека има ,,има одредено шпекулативно однесување од страна на откупувачите на зелката“ (Д.Т)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
