Преку производство на сопствена струја од пловечки фотоволтаици ќе се наводнуваат обработливите земјоделски површини преку акумулацијата Паљурци, но и повторно ќе се активираат пумпите за полнење на Дојранското Езеро од Хидросистемот во Ѓавато, објави МИА повикувајки се на изјава на директорот на Управата за водостопанство Ромео Тренов на кампањата ,,Гласот што го слушаме“
,,Веќе имаме направено проект со шпанската компанија “Глобалтек”. Прво направивме физибилити студија, а потоа проект за пловечки фотоволтаици на браната Паљурци. Тие ќе бидат први фотоволтаици на Балканот кои ќе бидат пловечки. На јужниот дел од акумулацијата, на површина која зафаќа пет до десет проценти од браната, ќе поставиме соларни панели со што фактички струјата нема да ја плаќа никој, туку ќе си ја произведуваме сами. Со таа струја ќе се вклучат пумпите и летно време, така што очекуваме околу 1000 километри во Стојаково да се наводнуваат од истото напојување. Во средината на октомври кога завршува сезоната за наводнување, со истата струја што ќе ја произведуваме ќе се полни Дојранското Езеро. Останува уште финансиската конструкција за проектот, и јас се надевам дека ако успееме да најдеме средства ќе започнеме со реализација“, кажал Тренов на трибината а пренесе македонската информативна агенција.
фото – ФБ Илија Киров
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
