Втора година по ред во пресрет на празниците, тренерот при ФК АП Брера Струмица – Кире Ангеловски организираше ,,рамноправеен“ фудбалски натпревар со цел да се потенцира дека спортот не познава граници, ниту разлики.
Во спортско рекреативниот центар „Рекреативо“ се играше фудбал меѓу фудбалерчињата од генерација 2014 на ФК АП Брера Струмица на кои стратег е Кире Ангеловски но и фудбалски тим од Посебното училиште ,,Климент Охридски“ од Ново Село.
Со капчиња како Дедо Мраз актерите на теренот ,,фудбалски“ се надмудруваа и со дружење ја испратија пораката да се подаде рака бидејки тоа е основната човечка вредност.
,,И оваа година децата беа деца уживајќи и учествувајќи во новогоднишниот натпревар во кој победија фудбалерите на ПОУ Климент Охридски. Сето ова беше надополнето со прекрасен настап со нашите најмили и најмали учесници од детската градинка Виножито . Особена благодарност изразуваме до управата на ПОУ Климент Охридски, спортско рекреативен центар Рекреативо и Шпаркасе Банка а дечињата повторно упатија силна порака “Бидете и Вие дел од луѓето кои подаваат рака”, информираа дел од организациониот одбор
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
