Струмичката противпожарна единица доби мултифункционално противпожарно теренско возило за гаснење на шумски пожари но и за справување со кризи предизвикани од поплави. Возилото и опремата се дел од проектот ,, Заштита на локалното население од општините Петрич и Струмица од природни катастрофи и катастрофи предизвикани од човекот’ вреден околу 120 илјади евра кој го финансираше ЕУ од програмата за прекугранична соработка со соседна Бугарија
,,Теренското возило заедно со целокупната опрема сочинуваат модуларен систем од два независни модули – Модул „Шумски пожари” и Модул „Поплави”. Во рамки на двата модула, набавена е пропратна опрема и тоа: систем за гаснење на пожари со екстремно висок притисок, генератор на електрична енергија, водени пумпи, чамец на надувување, осветлувачки јарболи, рефлектори, елеци за спасување, одела за спасувачи, противпожарни палки, заштитни одела, заштитни чизми, дефибрилатор за прва помош на граѓани. Возилото ќе овозможи и интервенции во повисоките делови од градот каде заради постоечките сообраќајници со несоодветни ширини, невозможно е во случај на пожар да се пристапи со големо противпожарно возило. ,, кажа градоначлникот Јаневски
Возилото има капацитет од 400 литри вода и како што подвлече командирото на ТППЕ Струмица ќе може да се користи на непристапни предели бидејки во опремата има системи со екстремно висок притисок но и водоводни пумпи што ќе овозможат црпење на вода од најблсикиот воден ресурс
Во претстојниот период, лицата од Општина Струмица одговорни за спроведување на проектот „Заштита на локалното население од општините Петрич и Струмица од природни катастрофи и катастрофи предизвикани од човекот” ќе се фокусираат на активностите за подигање на свеста кај младите лица и пошироката јавност со цел спречување и управување со ризици предизвикани од катастрофи и непогоди, но и обука, вмрежување, размена на искуства и добри практики на пожарникарите од општина Струмица со противпожарната служба на Општина Петрич, Бугарија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
