Противпожарните единици на Струмица и Гевгелија ќе добијат нови возила за гаснење на шумски пожари. Набавката се очекува да се реализира до крајот на годината откако Центарот за развој на Југоисточниот плански регион почна да го имплементира проектот ,,Рано октривање на пожарите и нивно движење за превенција и справување со катастрофи,, кој го финансира ЕУ од Програмата за прекугранична соработка со Грција.
,, Идниот месец ќе го распишеме тендерот и очекуваме до крајот на годината или на почетокот на 2023 година, ТППЕ на Струмица и Гевгелија да добијат нови возила за гаснење на шумски пожари. Гевгелиската ќе добие камион цистерна додека струмичката единица пикап возило со носивост на 400 литри вода. Двете возила ќе бидат димензионирани за интервенција против пожари на отворено,, рече Ѓуркова од Центарот за развој на Југоистокот
Одобрени се околу 270 илјади евра, средства со кои освен возила ќе се набавува и опрема за рана детекција на шумски пожари. Во проектот е вклучен и Центарот за управување со кризи. Тој ќе добие ИКТ систем за рано откривање на пожари во шумски предели. Опремата со сенозори за појава на чад ќе биде поставена на планините Беласица и Кожув. Тие ќе го регистрираат чад во подрачјата кои се изложени најмногу на пожари, соопштија од Центарот за развој на Југоисточниот плански регион
,, Станува збор за нова опрема која ќе алармира до Центарот за управување со кризи при појава на било каков чад во планинските предели. Со алармот надлежните институции ќе добијат информација за локацијата и големината на пожарот за да навремено се интервенира од страна на противпожарните единици и да не се дозволи негово проширување,, рече Ѓуркова
Центарот за развој на Југоисточниот плански регион ова година на 112 пожарникари во Југоистокот додели заштитна опрема за справување со шумски пожари а иницираше и формирање на добороволни противпожарни друштва во Југоистокот. Паралелно набави мобилен командантен центар со современа опрама за Центарот за управување со кризи за координација на институциите при појава и справвуање со пожари и елементарни непогоди во прекуграничниот регион.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
