Изминатата година, нашиот информативен портал Дрнка МК стави акцент и на објавувања видеа со кои сакавме автентично преку слика и тон да пренесеме дел од случувањата и актуелностите од Југоистокот кои сметавме дека се во интерес на заедицата. На официјалната ФБ страна Дрнка МК портал, пласиравме над 300 видеа поврзани со настани, промоции, актуелности – што во наша продукција, што како снимен видео матријал отстапен од наши соработници, читатели, следачи….
Најголем интерес или прегледи имаше кусото видео од свадбата на пејачката Александра Јанева превземено од нејзиниот инстаграм профил. Станува збор за моментот кога младоженецот ја ,,зема“ Александра од нејзиниот дом и двајцата видно расположени.. Ова видео во 2024 имаше 2,8 милиони прегледи на ФБ страната на Дрнка МК портал.
Второ и трето најгледани видеа се од „Ајверијадата“ во Босилово која се одржа во септември. Беа презентирани домаќинките од Општината како приготвуваат ајвар а една од нив и заигра на музиката мешајки го ајварот во тава со ,,бркаљка“. Ова видео има 265 илјади прегледи а изјавите од домакинките на ова манифестација 216 илјади.
Четврто најгледано видео во 2024 година на ФБ страната на Дрнка МК портал е вежбањето на кореографијата ,,Паланечка тројка“ од членовите на КУД „Браќа Минкови“ од Куклиш на хрватско – словенечката граница. Настанот се случи при крајот на октомври кога ова друштво замина за настап кај нашите во Пјаченца Италија. Видеото има 202 илјади прегледи
Меѓу најгледаните видеа на Дрнка Мк портал е видеото со македонско оро односно одбележувањето на Македонскиот ден во Понтенуре Италија каде голем број Македонци од Италија и други европски држави се собраа на манифестацијата организирана од здружението “Македонски корени“. Видеото има 185 илјади прегледи
Голем број прегледи или вкупно 169 илјади имаше и видеото со изјавата на откупувачите од Струмичко во врска со проблемот со немањето интерес за македонските домати. Станува збор за видео од мај 2024 каде трговците кажаа дека Албанските домати ги рушат цените на странските пазари.
Концертот во чест на Гоце Арнаудов и интерпретацијата на песната Дали чекаш стара мајчице од пејачите но и публиката за свклучени светла на мобилните влегува исто така во Топ 10 најгледаните видеа пласирани на ФБ на Дрнка МК портал. Ова видео има 165 илјади прегледи
Осмо најгледано видео со 157 илјади прегледина ФБ страната на Дрнка МК портал е одлуката на Елисавета Ничева од Василево да згрижи дете без родители како и сите предизвици што како семејство ги имала за и околу детенцето на кое му понудиле топол дом и родителска грижа…
Илјада помалку прегледи има видеото кое доаѓа од Празијадата во Градашорци. Посебно видеото како гостите играат во црковниот двор на Св. Никола во Градашорци на музиката на Игор Димовски од Пауза за ракија. Ова видео има 156 илјади прегледи
Во Топ 10 најгледани видеа на ФБ страната на Дрнка МК Портал е посетата на Горан Пандев на клубот ,,Деца на сонцето“ на Здружениото за поддршка на лицата со Даунов синдром. Ова видео има 121 илјада прегледи
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
