Томчо Стојчев е нов директор на ЈПЕД Струмица Гас, објави на ФБ градоначалникот на Струмица Петар Јанков . Стојчев доаѓа на местото на Благој Милановиќ кој досега раководеше со оваа локално јавно претпријатие. Според објавата на градоначалникот на Струмица, новиот директор е дипломиран машински инженер и магистар по технички науки со долгогодишно искуство во приватниот сектор. Бил и инспектор за безбедност и здравје при работа во Државниот инспекторат за труд каде се истакнал како професионалец со висок интегритет, одговорност и чувство за јавен интерес.
,,Со оваа одлука за избор на стручен, докажан и визионерски кадар, се прави значаен исчекор кон модерно, ефикасно и одговорно управување со претпријатието. Назначувањето на Томчо Стојчев претставува јасна определба за зголемување на безбедноста, ефикасноста и квалитетот на услугите, како и за забрзан и одржлив развој на гасификацијата, што директно ќе придонесе за економскиот развој, енергетската стабилност и подобар квалитет на живот на граѓаните на општина Струмица“, стои во ФБ објавата на градоначалникот Петар Јанков
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
