Тик токерот Александар Динев во рамките на проектот ,,Нешта кои можеби не ги знаеме за нашето виртуелно однесување“ што го имплементира Мултус од Гевгелија со поддршка на Европската Унија објави ново едукативно видео за да младите ја знаат разликата помегу инфлуенс и импакт поими кои ги среќаваме во дигиталниот свет. Станува збор за поими кои на македонскиот јазик значат ВЛИЈАНИЕ.
Сведоци сме дека во последно време се повеќе слушаме за инфлуенсери. Станува збор за лица или објавуаваат фотографии или пак се рекламираат самите себе при што добиваат илјадници лајкови.Според Динев токму инфлуенсерите имаат моќ на влијание врз нечии одлуки додека импактот е пак промена на нештата кои оставаат траен позитивен ефект.
,,Инфлуенс: Тоа е можност да се влијае на нечии одлуки, мислења или однесување. Може биде трендсетер/ка, може да го има тој шарм на кој луѓето не можат да му одолеат, или едноставно да има познавања на некоја тема и да го користи своето знаење и влијание за тоа. Импакт: Е сега, ова е тоа што ја менува играта. Станува збор за правење опиплива разлика, оставајќи белег што создава (се надеваме позитивна) промена или остава траен ефект“, вели Динев во видеото
Видеото е изработено во рамките на проектот ,, Нешта кои можеби не ги знаеме за нашето виртуелно однесување“ што го имплементира Мултус од Гевгелија со поддршка на Европската Унија со цел да се зголеми свеста и чекорите кај младата популација кога се на социјалните мрежи.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
