25 годишниот Таше Пефќев од Струмица, на 17 декември во „Арти Бранч Кафе“ ќе ја претстави својата нова самостојна изложба насловеа „Диптих“. Станува збор за втора негова изложба на која ќе бидат преставени 15 уметнички дела работени во техника масло на платно.
,,Тоа се дела каде се судираат експресионализмот и апстракцијата кои даваат силен одраз на нешатата, суптилна игра меѓу бојата и формата каде секој посетител ќе може да ја долови суштината на двојноста во човекот, во природата и во секојдневните појави,, вели младиот уметник Певќев кој подвлекува дека неговите дела го кажуваат она што зборовите не можат.
Пефќев дипломира на Ликовната академија при Универзитет „Гоце Делчев“ – Штип. Тој е наставник во ООУ Даме Груев од Куклиш и за себе вели дека сака да ја истражува традиционалната и совемената ликовна уметност.
,,Уметноста не ми е само хоби — тоа е мој начин да се смирувам, да размислувам и да создадам нешто свое“ вели Пефќев кој ги повикува струмичани да ги видат неговите најнови дела на 17 ти декември во „Арти Бранч Кафе“.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
