Татко и син од струмичкото населено место Мокриево кои долги години живеат во кантонот Вауд во Швајцарија се убиени а нивните тела се пронајдени во фарма за коњи покриени со арско ѓубре во вила во Соренс во кантонот Фрибург пренесува швајцарскиот интернет протал 20 минути. Според информациите од струмичани кои што живеат и работат во Швајцарија станува збор за 47 годишниот Наум и 23 годишниот Доне Колеви кои во вторникот навечер заминале од својот дом за да си го повлечат капарот за нереализирана купопродажба на земјоделска механизација.
Како што информираат иселеници од ова област, Наум и Доне пред извесен период договориле купопродажба на земјоделска механизација при што дале капар од 25 илјади швајцарски франци. Откако не се реализирала купопордажбата тие во вторникот попладне заминале да си го повлечат капарот. Најверојатно во вторник навечер со огнено оружје било пукано врз нив. Како што пренесуваат медиумите, се ангажирала полицијата од кантоните Вауд и Фрибрг каде исчезнувањето на лицата било пријавено вчера. По превземените мерки уапсен е 30 годишен маж кој признал вмешаност во настанот, пишува швајцарскиот портал 20 минути
фото – laliberte.ch
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
