Основното јавно обвинителство Гевгелија донесе Наредба за спроведување истражна постапка против татко и син од селото Богородица, кои во своите домови неовластено држеле поголемо количество оружје и муниција
,,При претрес во домот на синот била пронајдена една полуавтоматска пушка, една ловна пушка со 99 патрони, еден самострел со пет стрели, една воздушна пушка, како и уште 272 куршуми различна муниција. Кај таткото, пак, биле пронајдени една ловна пушка, една воздушна пушка, 140 патрони ловна муниција, 49 куршуми од различен калибар, една стрела за самострел и делови од оружје. Двете лица се осомничени за кривично дело – Недозволено изработување, држење и тргување со оружје или распрскувачки материи од член 396 од Кривичниот законик,, стои во соопштението на на Јавното обвинителство
Надлежниот јавен обвинител за првиот осомничен достави предлог за определување мерка куќен притвор, а за вториот поднесен е предлог за определување мерка притвор. Судијата на претходна постапка го прифати предлогот на обвинителството и ги определи бараните мерки.
Инаку вчера МВР објави дека Полициски службеници од Одделот за криминалистичка полиција – Сектор за недозволена трговија со дрога, оружје и опасни материи ги лиши од слобода А.Д.(44) и Ж.Д.(66), двајцата од с.Богородица, гевгелиско.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
