„Младите се тие кои треба да не движат но најдобро е кога ќе стекнат вештини и искуства како да помагаат, шират позитивна енергија“. Вака потенцираше Танкица Стојанова во подкастот „Гласот на младите“ на Дрнка.МК. Таа само што наполни 30 години а цели 18 години е волонтер во Црвен крст Струмица. Таму ги научила сите лекции да се биде хуман, да се помогне, да се подаде рака и да се биде дел од заедницата. Токму оваа организација ја смета како клучна во тоа што таа се наоѓа на повеќе позиции.
Танкица својата животна патека почна да ја гради токму во Црвен крст па потоа премина во актерството и на 26 години стана најмладиот директор на културна институција во земјава. Потоа стана жена пожарникар а од годинава премина на чело на Организациониот одбор на Струмичкиот карневал. Но како што вели Црвениот крст е таа институција што и ги отворила видиците.
,,Црвениот крст ме научи на многу работи. Таму кој што стапнал, добива чувство на емпатија, на подадена рака кон заедницата. Буквално таму се гради една личност како што треба. Преку Црвениот крст младите можат да направат многу, да го кренат својот глас, да направат промена“, вели Танкица Стојанова во подкастот „Гласот на младите“ на Дрнка МК портал (Зоран Ѓоргиев)
претходно
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
