МВР во организирана акција откри организирана криминална група која изминативе месеци вршела нелегално пренесување на мигранти од грчката до српската граница. Станува збор за група од 12 члена која за последните 10 месеци според МВР извршила криумчарење на над 100 мигранти по цена од 500 до 700 евра за лице. Како што кажа портпаролот на МВР Тони Агнеловски, мигрантите ги превземале во соработка со соработници од Грција и ги пренесувале преку илегални премини кај Гевгелија и Дојран. Потоа со патнички и товарни возила на членовите, се транспортирале до кумановско од каде чекале превземање на мигрантите во соседна Србија.
,, Организатори на групата се татко и син од Богданци а им помагале и лица од Лојане и Скопје Извршени се претреси на десет локации во Скопје, кумановско и штипско и гевгелиско и приведени се 10 лица а еден член од групата е во притвор за сторено исто кривично дело. До Јавното обвинителство за организиран криминал ќе бидат поднесени кривични пријави ,, рече Ангеловски
По сузбивање на групата што криумчарела мигранти, МВР со кривични против 6 лица од Богданци и едно од Валандово
Ова е втора поголема група што МВР ја открива за една недела. На почетокот на октомври откри шестчлена група од Богданци, Струмица и Гевгелија кои исто така вршела нелегално криумчарење на мигранти претежно од Авганистан, Пакистан и Ирак.
Последниве месеци по патиштата во Југоистокот постојано беа откривани возила полни со мигранти додека во три случаи имаше и сообраќајки при што десетина беа повредени а едно лице го загуби животот
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
