Новинарката Сузана Мицева од Струмица заедно со Александар Методијев добија награда од ССНМ и ЕУ за истражувачкиот документарец ,,Кревките шуми“ кој ја открива спрегата меѓу дрвокрадците и надлежните институции. Фокусот им беше ставен на планината Јабланица каде открија и ,,увезени“ дрвосечачи од Албанија кои работат за локални моќници од Струшко аминувани од државни институции.
,,Не можевме ниту да насетиме колку се кревки шумите пред човечката алчност и суровост. Уште првиот ден при снимањето наидовме на шумска полиција која им “дојави” на дивите сечачи дека има новинарски екипи со локалното население во шумата, па експресно “исчезнаа” иако ги слушавме пилите како бучат околу нас,, се присетува Мицева која заедно со Методијев и Димитар Мицев го почнаа теренското истражување
Цели денови престојувале на Јабланица за да регистрираат и прикажат како фунцкионира синџирот на уништување на шумите со амин на државните институции. Со помош на локалното население го пренесоа соголувањето на Јабланица
,,Сечени цели шумски области без печати, без ред, десетици канти за гориво, стари возила за транспорт. Сето тоа го видовме и документиравме иако локалното население со жив штит се обидуваше да ги спречи дрвокрадците да им ја соголат планината. Во напуштен воен објект, ги видовме и “егзекуторите” на Јабланица. Албанци донесени нелегално во земјата, кои во субстандардни услови спиеја со коњите во запуштениот објект.Одземени им беа и документите, што укажуваше на класична трговија со луѓе.,, вели Мицева за Дрнка.МК
Нивниот истражувачки документарец објавен на Нота покрена полициска акција и беше приведен организаторот на дивите сечи, кој потоа бил пуштен со кауција. Мицева вели од судот добил само условна казна.
,,Оваа награда ни даде зелено светло, како да добивме знак-видливи сте, вашата работа е препознаена и значајна. И нѐ обврза да продолжиме да работиме на теми од животната средина. Годинава продолжуваме во иста насока, ќе се занимаваме со друг вид криминал и експлоатација на шумите,, кажа Мицева која со Методијев ја добија третата награда од ЕУ за истражувачко новинарство
Првата награда ја доби Ирена Мулачка од Фокус за сторијата „Скандал Онкологија“ (Фокус) со која се открија злоупотреби со терапиите за онколошките пациенти.додека втората Миомир Серафиновиќ и Снежана Лупевска Созен за сторијата „Семејно стебло Зајас, Соравиа, струја, дипломатија“ од емисијата КОД, ТВ Телма која открива фамилијарни врски и злоупотреби од високи функционери. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
