Премиерот Димитар Ковачевски, министерката за труд и социјална политика Јована Тренчовска како и градоначалникот на Струмица Костадин Костадинов кои денеска беа во ЈОУДГ „Виножито„ добија сувенири за престојните новогодишно-божиќни празници изработени од вработените заедно со децата згрижени во градинката. Станува збор за декорирани мали Новогодишни елки со ламбички во украсени кошнички за престојните празници.
Подароците им ги врачи директорката на ЈОУГД „Виножито“ Софија Димитриева откако децата изведоа мала програма со песнички . Таа им се заблагодари од името на сите вработени во градинката за контуинираното инвестирање за подобрување на условите за ран детски развој.
Детската градинка „Виножито“ неодамна наполни една година работа. На почетокот беа згрижени 124 деца во вкупно 6 воспитни групи, а за работните обврски и задачи беа задолжени 26 вработени. Денес во градинката се згрижени 294 деца во 11 воспитни групи и вкупно 44 вработени. Премиерот кажа дека се работи на обезбедување на дополнителен персонал во Виножито.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
