Општина Василево ќе субвенционира 40 домакинства кои ќе набават и монтираат високоефикасни инвертер клима уреди. Вака соопшти градоначалникот на Василево Славе Андонов откако Советот на денешната седница го усвои Предлог-правилникот за субвенционирање на домаќинствата во општина Василево за набавка и монтажа на високоефикасни инвертер клима уреди.
За оваа намена општината планира да потроши 800 илјади денари а едно домакинство може да добие субвенција најмногу до 20 илјади денари а истиот да се монтира во семејства во општина Василево при што во наредните три години не смее да користи тврди фосилни горива.
,,Главна цел на овој проект е заштита на животната средина и намалување на емисијата на штетни гасови кои се ослободуваат со користење на други извори на загревање односно со користење на дрвја,јаглен, нафта кои при согорувањето, во атмосферата испуштаат штетни гасови,, кажа градоначалникот Андонов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
