Граѓанското здружение ,,Вижуал продакшн“ од Струмица ќе ја организира годинашнава „Самун ем татлија“ во Радовиш на 11, 12 и 13 ти октомври. Манифестацијата ќе биде на сегашната локација на зелениот пазар односно кај паркингот Орел. На ФБ страната на ,,Самун ем татлија“ почнаа да се објавуваат имињата на пејачите кои ќе бидат дел од тридневната манифестација. Како што не информираше градоначалникот Ацо Ристов, струмичкото граѓанско здружение било единственото што се јавило на повикот на Општината за организација на манифестацијата со предлог програма.
,, Станува збор за граѓанско здружение од Струмица кое достави предлог програма за ,,Самун ем татлија“. На првиот повик на општината не се јави ниту едно правно лице да ја организира а на вториот се јави токму струмичкото здружение. Тие ја составуваат програмата но сепак како прв човек на општината издејствував годинашнава манифестација да ја отворат нашиот фолк амбасадор а тоа е националниот ансамбл ТАНЕЦ„ изјави за Дрнка МК градоначалникот на Радовиш Ацо Ристов
На последната седница, Советот на општина Радовиш расправаше токму на ова тема. Се интересираа за граѓанското здружение кое ќе ја организира познатата манифестација која е белег на Радвоиш. Беше усвоена финансиската конструкција на годинашнава „Самун ем татлија“ која изнесува 2,8 милиони денари од кои струмичкото здружение треба да обезбеди 1,4 милиони.
Самун ем татлија почнува на 11 септември со настапот на националниот ансабл ТАНЕЦ по што ќе настапат Троја и Игор Димовски – пауза за ракија. Во сабота во рамките на музичкиот дел ќе настапат Жаре Бербер и Милица Тодоровиќ додека во недела на 13 ти Миле Кузмановски, Пеџа Меденица. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
