ЈПКД Комуналец од Струмица набави две автоматизирани машини ,,метларки” за чистење улици со кои се очекува да ја зголеми јавната чистота во градот. Паралелно овие машини кои наскоро ќе бидат ставени во функција ќе ја аморитизираат потребата од работна рака, бидејки Комуналец се соочува од потреба на работници на овие позиција.
Станува збор за едно возило на електричен а друго на дизел погон во вредност од 268 илјади евра кои се земени на финансиски лизинг во рок од 48 месеци. Метларките набавени се од велешки Брако преку Шпаркасе лизинг.
,,Се работи за најсовремени машини кои можат многу лесно и брзо да го соберат јавниот отпад. Тие се динамични и подвижни и се со одличен капацитет. Во овој момент најмногу ни требат, бидејќи имаме недостиг од работна сила, која со овие машини ќе ја замениме, но и со современиот начин на живеење и за еден европски град каков што е Струмица, неопходна е таква опрема,, рече директорот на ЈПКД Комуналец Зоран Горгиев.
Градоначалникот Костадин Костадинов кажа дека со набавката на двете нови машини значително се подобрува и модернизира возниот парк. Според него иако возилата се на лизинг тие биле оправдани бидејки плаќањето работници е поскапа варијанта отколку ратата за исплата на возилата.
Струмички Комуналец последниов период значително го збогати возниот парк. Лани во декември набави пет половни возила за собирање на смет а летово со пари од Бирото за регионален рамномерен развој по апликација на општина Струмица беше набавено ново возило за таа намена.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
