Струмички Комуналец набави околу 8500 корпи за отпад за домакинствата што живеат во индивидуални стамбени објекти, кои ќе бидат поделени бесплатно. Вака најави директорот на ЈПКД ,,Комуналец” од Струмица Зоран Ѓеоргиев кој подвлече дека за распределба на истите се чека да биде донесена одлука на Советот на општина Струмица на некоја од наредните седници
Станува збор за корпи со зафатнина од 120 литри кои ќе бидат доделени на домакинствата како во градот така и во населените места во општина Струмица. Освен за домакинствата ќе се доделат на одделни мали дуќани, канцеларии и ординации.
,, Корпите се донесени и се во наоѓаат во складот на претпријатието. Со градоначалникот Коста Јаневски е договорено тие да се донираат на граѓаните бесплатно. Очекуваме во скоро време да се донесе одлука на Советот, за да се дадат на домакинствата. Во моментов граѓаните сами се снаогаат во разновидни садови го оставаат отпадот,, изјави Ѓеоргиев кој апелираше до граѓаните да ги чуваат корпите
За набавката на корпите за отпад, општина Струмица и струмички Комуналец потрошија околу 8 милиони денари. Со распределбата на корпите се очекува значително да се подобри хигиената како во градот така и во населените места бидејки во моментов, металните корпи се дотраени
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
