ЈПКД Комуналец доби нов директор. Тоа е Љупче Љачев кој беше раководител на ПЕ на Фондот за ПИОМ во Струмица кој своевремено има работено во ова комунално претпријатие. Веста за неговото назначување на директорската позиција во Комуналец ја објави граодначалникот на Струмица Костадин Костадинов на ФБ кој соопшти дека досегашниот Зоран Ѓеоргиев продолжува како главен координатор за сите јавни претпријатија во Струмица.
,, Денеска го именував Љупче Љачев за нов директор на ЈПКД Комуналец Струмица. Човек кој има долгогодишно искуство во јавниот сектор, посветен финансиски работник. Сакам од срце да се заблагодарам на досегашниот директор Зоран Георгиев, за несебичната посветеност кон претпријатието и вработените, за сите успеси со кои сите ние како граѓани сме горди! Зоран Георгиев продолжува со активна посветеност за општина Струмица, превземајки ја високата должност како главен координатор за сите јавни претпријатија во Струмица! Другар Љачев, посакувам многу работа, многу време посветено за интересот на граѓаните. Заедно можеме да ја трансформираме Струмица во уште поубаво место за живеење!,, објави градоначалникот Костадинов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
