Струмички ,,Комуналец“ апелира до граѓаните правилно користење на новопоставените жолти и сини контејнери во градот. Во истите да се депонира отападот кој е наведен и во нив да не се фрла секаков отпад. На тој начин велаат од Комуналец ќе се постигне целта примарна селекција на отпад. Паралелно реагираат што дел од поставените контејнери за само месец дена како се поставени веќе се скршени.
„Покрај нашата секојдневна работа, незаинтересираноста на граѓаните, многу ниската еколошка свест и непочитувањето на законите допринесуваат секојдневно да имаме повеќе губре, повеќе диви депонии. И покрај објаснувањето дека сините контејнери се исклучиво за хартија, а жолтите само за ПЕТ пластика, нашите граѓани, со исклучоци на некои, го игнорираат законот за примарна селекција на отпад. Со таквото индолентно и незаинтересирано постапување кон животната средина остануваме да го живееме животот во ѓубрето што сами си го создаваме“ – велат од ЈПКД „Комуналец“.
Тие упатуваат молба до граѓаните правилно да ги користат контејнерите и во нив единствено да одлагаат отпад по вид од категоријата на картон и хартија и пластична амбалажа која го содржи знакот за рециклирачки отпаден материјал, како и отпад од пластика кој не содржи никакви други примеси.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
