Струмичани кои живеат и работат во Италија јавно му изразуваат благодарност на сопственикот на градежната фирма „Леванте“, Никифор Манчев, по потекло од струмичко, за гестот што го направил по повод нивниот 20-годишен работен ангажман во компанијата.
Како што изјавуваат вработени Манчев на вработените кои навршиле две децении работен стаж во фирмата им овозможил заедничка прошетка и одмор во Египет, заедно со нивните семејства, како знак на благодарност за долгогодишната лојалност и посветеност.
Градежната фирма „Леванте“ веќе 25 години успешно работи во италијанскиот град Пјаченца, а во неа во моментов се вработени околу дваесетина македонски државјани.
Вработените истакнуваат дека ваквите гестови претставуваат признание за нивниот труд и пример за коректен однос меѓу работодавачот и работниците, особено кога станува збор за долгогодишна соработка надвор од татковината.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
