Струмички Астраион кој оваа првенствена сезона се натпреварува во Прва лига група Б, викендов го одигра мечот со Борец во Велес каде убедливо славеше победа со 48:23. Станува збор за петото првенствено коло во кое сите струмички ракометари се запишаа во листата на стрелци не дозволувајки му на домаќинот никаква надеж за било какво резултатско приближување а камоли пресврт.
Васко Стојанов беше најрасположен. Постигна 8 гола а 6 реализираше Илија Пандев. По пет гола постигнаа Бојан Беловинов, Марко Стојанов и Христијан Ефтимов. 4 погодици имаше Васе Наков а по три запишаа александар Цонев, Јован Иванов, Дарко и Костадин Катраџиеви, 2 Миливој Котевски а како стрелец се запиша и голманот Мартин Перовановиќ кој заедно со Стефан Наумов беа одлични во одбраните што резулитраше и со убедливата победа на струмичани.
Ова е втора победа за младиот состав на Астраион Хендбол од Струмица кој следното првенство коло го пречекува Партизан од Гевгелија на домашен терен
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
