Струмичките ракометари го совладаа тимот на Преспа од Ресен и се зацврстија на петата позиција која носи пласман во Плеј офот од Првата лига од која најдобрите два тима може да се најдат во суперлигашкото ракометно друштво идната сезона. Астарион одигра одлично во второто полувреме кога и ја завери победата над тимот од Ресен со 29:27 откако гостите имаа во првите 30 минути се држеа и контуинирано беа во егал со момците на Димитар Пандев. Но во второто полувреме струмичани со цврста одбрана направија предност и до 6 гола која не беше достижна за ресенчани.
Марко Стојанов со 8 гола беше најефикасен на мечот кај струмичани.Христијан Ефтимов постигна 7 а Васе Наков 6 пати ја тресеше мрежата на Преспа. Како стрелци се запишаа и Миливој Котевски, Костадин Катранџиев, Александар Цонев и Васко Стојанов.
Ова е 5 победа на струмичани со која се зацврстија на петото место од прволигашката Група Б и заедно со Аеродром, Драчево, Металург и Голден Арт од Аеродром се сигурни патници во Плеј офот каде пласман обезбедуваат и најдобрите пет тима од групата Б каде засега на табелата се Мулти Сенс, Младост 1977 од Богданци, Кичево, Македонија ЃП и Текстилец.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
