Струмичките ракометари на свој терен славеа победа против Голден Арт КЛ7 со 30:28 Ова е четврта победа за Астраион Хендбол можеби и најдрага ако се има во предвид дека во Струмица гостуваше третиот најдобар тим во досегашниот тек од првенството од Прва лига Група Б за кои ова беше втор пораз
Избраниците на Мики Пандев имаа целосна контрола над играта и резултатот против Голден во салата Парк. По почетното испитување на силите, во втората половина од првото полувреме струмичани се одлепија и заминаа на одмор со 15:13. Во таа насока почна и второто полувреме. Струмичките ракометари имаа контуинирана предност од еден или два гола. Гостите успеа да израмнат на 23:23 но немаа сили за пресврт. Домакините беа посконцентрирани во завршницата и славеа со 30:28. Освоија нови три бода на своето конто и сега имаат вкупно 12 бода на табелата закотвени на средината од Прва лига
Васко Наков беше најефикасен на мечот постигнувајки 14 голови. Марко Стојанов 6 пати ја тресеше мрежата на гостите , Христијан Ефтимов постигна 5 гола, Дарко Катранџиев постигна 3 а Александар Цонев 2 гола.
Голманот на Астраион Мартин Перовановиќ беше клучната фигура на мечот кој со своите интервенции и одбрани го демотивираше протвиникот а ги охрабри своите колеги да го надиграт фаворитот Голден.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
