Во дербито од осмото првенствено коло ракометарите на струмички ,,Астраион’’ славеа против тимот на ,,Прилеп 2010’’ со 23:22 со што се зацврстија на лидерската позиција во Првата лига група 1 каде ја зголемија бодовната предност пред главниот конкурент за првото место. Пресметката меѓу најдобрите два тима во ова група донесе многу возбудувања и пресврти. Прилепчани се покажаа незгоден противник кој од салата Парк во Струмица можеа да заминат и непоразени па дури и со цел плен, но астраионци имаа срце и не потклекнаа до крај за задоволство на публиката
Струмичките ракометари имаа контрола на резултатот во првото полувреме. Ја диктираа играта и заминаа со два гола предност по првите 30 минути (11:9). Во второто полувреме гостите притиснаа и ги превзедоа работите во свои раце. Прилепчани по израмнувањето 12:12 постојано имаа предност од еден до два гола. Струмичани во тој период доста грешеа во нападото и одиграа слабо во одбраната.
Вистинска драма беше во завршницата кога Прилеп 2010 имаше резултат во своја корист од 22:20. Тогаш струмичани се надминаа самите себе и ја искористија ,,опуштеноста’’ и грешките на гостинскиот тим кој се надеваше на победа. Струмичани направија пресврт за конечни 23:22 . Димовски имаше одлични одбрани едно подруго а Наков постигна гол за израмнување а Ончев за победа.
Иксусниот Митко Караиванов со 10 гола беше најефикасне кај струмичани, Васе Наков постигна 7 гола, Филип Кавазов 3, Ивначо Ончев 2 и Александар Велков 1 гол. Ова е 7 победа на струмичани кои сега имаат 22 бода на табелата и единствен тим кој нема пораз.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
