Трите средни и десетте основни општински училишта во Струмица ги покажаа првите позитивни резултати по склучените договори за снабдување со електрична енергија со ЕСМ Продажба ДООЕЛ, по цена од 95 евра за мегаватчас, соопштија од општината.
,,Првите анализи се направени за месец декември минатата година, а споредбата со истиот месец во 2021 година покажала дека скоро сите училишта платиле помалку за потрошена електрична енергија. Највисок процент на намалена давачка за потрошена електрична енергија има во средното општинско училиште „Никола Карев“ со 81 процент, па следуваат интернатот во средното училиште „Димитар Влахов“ со 78 проценти, основните училишта „Маршал Тито“ од Струмица со 76, „Даме Груев“ од Куклиш со 74, „Никола Вапцаров“ со 66, „Сандо Масев“ со 59, „Гоце Делчев“ од Вељуса со 49. Во најголем дел од училиштата е регистрирана и значително намалена потрошувачка на електричната енергија во однос на истиот период од претходната година,, стои во информацијата од Општина Струмица
Од општината додаваат дкеа Струмица е пионер во обновливите извори на енергија и пред започнувањето на енергетската криза посочувајки го Основното општинско училиште „Сандо Масев“ кое пред неколку години постави фотоволтаици за сопствени потреби, со што ги преполовиле давачките за потрошена електрична енергија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
