Одбојкарите на „Струмица Никоб“ се на чекор од освојување на 10-тата јубилејна Шампионска титула откако вечерва славеа во вториот финален меч против ГОК „Борец“ во Велес со 3:1 во сетови (19:25, 25:21, 20:25, 25:27). Златото и новиот Шампионски пехар може да го добијат веќе во среда во Струмица кога се игра третиот меч и со победа избраниците на Кире Ричлиев и Атанас Милев ќе се промовираат во старо нови Шампиони.
Велешки Борец вечерва покажа далеку порамноправна игра против Струмичкиот состав за разлика од првиот меч во сала Парк. Иако го загубија првиот сет сепак се вратија во вториот подгревајки ги надежите дека може да се извлече нешто на домашен терен. Сепак екипата предводена од Владо Милев не размислуваше така па на своја сметка го доби третиот. Во најинтересниот и највозбудлив сет – четвртиот струмичани го добија со пресврт во финишот откако Борец не искористи сет топка.
Третиот меч е закажан во среда во салата „Парк“ во Струмица каде со трета победа струмичките одбојкари ќе ја продолжат низата на апсолутна доминација во македонската клупска одбојка.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
