Струмичките интернационалци Ристо Николов и Александар Љафтов кои настапуваат во Швајцарија и Саудиска Арабија се закитија со бронзи со своите клубови
Блокерот Ристо Николов втора сезона настапува за швајцарскиот Нафелс Волеј кој во последните седум години го достигна најголемиот успех освојувајки го третото место. Освен што игра за првиот тим Николов е и тренер на младите на швајцарскиот клуб каде најверојатно останува и следната сезона.
,,Цела сезона бевме на врвот на табелата но во Плеј офф завршницата ни се повредија клучни играчи и не можевме да обезбедиме пласман во финалето. Но и ова е успех бидејки Нафелс Волеј речиси после цела деценија е во врвот на швајцарскиот одбојкарски шампионат“, изјави за Дрнка МК Ристо Николов
Со бронза се закити и Александар Љафтов и тоа со неговиот Али Битсам во Саудиска Арабија кој исто така го бележи најголемиот клупски успех. Таму во конкуренција на 12 екипи тие ја пропуштија шансата да играат за злато но сепак го освоија третото место со кое обезбедија настап во Елит Купот.
„Али Битсам досега немаше освоено медал и ова сезона се смета за историска. Плановите беа да бидеме ан средината од табелата но со одличната игра како тим успеавме да дојдеме до завршницата. Лично сум задоволен од моите настапи. Требаше да остана и за Елит купот но заради празниците и почетокот на обврските со репрезентацијата се вратив во Македонија,, ни изјави Александар Љафтов кој минатата сезона ја мина во силната италијанска лига
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
