Струмичките одбојкари ги дознаа можните противници во Лигата на шампионите на ЦЕВ каде и годинава пријавија учество. Европската одбојкарска конфедерција ги објави пријавените екипи за годинешното натпреварување и ја најави ждрепката за 19 јули во Луксембург.
Македонскиот првак Струмица Никоб е во кругот од 14-те екипи кои ќе играат во елиминацискиот дел, додека 18 екипи веќе имаат обезбедено пласман во групната фаза. Останува отворено прашањето кој покрај Струмица Никоб ќе мора да игра уште во првото елиминациско коло. Според искуството од минатата сезона, во првата квалификациска рунда ќе играат меѓу четири и осум екипи, од кои потоа победниците ќе им се приклучат на останатите екипи кои директно ќе играат во 2. квалификациско коло.
Во листата на 14 екипи кои ќе мораат да играат квалификации за пласман во групната фаза се најдоа:
Партизан БЕЛГРАД (Срб)
Младост ЗАГРЕБ (Хрв)
Нефтохимик БУРГАС (Буг)
Леворанта САСТАМАЛА (Фин)
Аркада ГАЛАЦИ (Ром)
Хипо Тирол ИНСБРУК (Авс)
Олимпијакос (Грц)
Будва (Црна Гора)
Драисма Динамо АПЕЛДОРН (Хол)
Радник БЈЕЛИНА (БиХ)
Фино КАПОШВÁР (Унг)
Гуагуас ЛАС ПАЛМАС (Шпа)
Струмица НИКОБ (Мкд)
Прометеј ДНИПРО (Укр)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
