Машката и женска одбојкарска екипа на СОУ „Јане Сандански“ од Струмица ќе ја претстават Македонија на Европското првенство во одбојка за средни училишта во Требиње Р. Српска на кое учествуваат 14 екипи од Чешка Молдавија, Црна Гора, Србија, и Р. Српска.
Машкиот состав во првиот ден ќе игра со средношколскиот состав „Јован Цвијич“ од Модрича а во попладневните часови ќе игра со Гимназијата од Пожаревац. Вториот ден струмичките одбојкарски надежи играат со средношколската екипа на ,,13 Гимназија“ од Белград. Во среда струмичките гимназијалците играат со тимот на „Светозар Чоровиќ“ од Љубиње а последниот ден со гимназијата „Нико Ролович“ од Бар – Црна Гора
Женскиот состав на СОУ Јане Сандански од Струмица се најде во групата Б со екипи од Чешка, Црна Гора, Р. Српска . Во првиот ден игра со средошколките од Чешка од гимназијата „Оломуч“ од Хејчин па со црногорките од гимназијата „Слободан Шкерович“ од Подгорица и на крајот со домашната „Светозар Чоровиќ“ од Љубиње.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
