Поради немање активен работник во струмичкиот трезор, сметководителите од градинките, училиштата и други државни институции во Струмица, Василево, Радовиш, Валандово и од останатите општини во Југоисточна Македонија за тресорзки услуги биле принудени да одат во Штип, објави СДК. Поради пензионирање на двајца вработено и едно лице кое останало на породилно боледување, Струмичкиот трезор е под клуч а странките се препраќале кон Штип.
Минатата недела, трезорската канцеларија во Штип беше под опсада од стотина благајници и сметководители од повеќе општини во Источна и Југоисточна Македонија затоа што една од поголемите трезорски канцеларии за Југоисточна Македонија, со седиште во Струмица, остана без ниту еден вработен, а претходно биле тројца.
Според порталот откако единствениот трезорски службеник од Штип замина на одмор, од денеска ќе мора да одат во Кочани или во некој друг град кој има ваква канцеларија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
