Струмичкиот маскенбал како дел од големиот Струмички карневал повторно покажа шаренило од бои и голема креативност кај струмичани за изготвување на маски.
Различни ликови, теми, пораки преточени во индивидуални и групни маски гo исфрли на виделина она што ќе се случува на големото интернационално карневалско дефиле утревечер по струмичките улици. На маскенбалот што се одржува во хотелот Сириус освен од земјава има маскирани лица и од странство.
За принц и принцеза беа избрани Атанас Костуранов и Катерина Јовановска од карневалската група ,,Пријателос муертос“ и тие ќе го предводат големото дефиле.
,,Вечерва се случи бришење на границите на Балканот, се случи Европа без граници. Беше преубаво да се биде дел од маскенбалот во хотелот „Сириус“, и да се види како луѓе под маски од различни земји и нации заедно пеат, играат и се веселат“ напиша градоначалникот Костадин Костадинов кој беше облечен како маршалот Тито
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
