Струмичкиот затвор доби нов директор. Веста ја објави досегашниот Борче Цветков кој на ФБ напиша дека се повлекува од директорската функција бидејки во наредниов период ќе се посвети на политичкиот ангажман и неговата кандидатура за пратеник од редовите на СДСМ во четвртата изборна единица.
„Единствената причина поради којашто го направив тоа е зголемениот политички ангажман во овој предизборен период како претседател на Општинската организација на СДСМ Струмица и кандидат за пратеник од Изборната единица број 4. Како одговорен, пред се човек, а потоа политичар, не сакам само да ја држам директорската функција и да земам плата, а да не можам целосно да се посветам на работните обврски во оваа сериозна и специфична институција“, објави Цветков.
За нов ВД директор на КПУ „Затвор Струмица“ е именуван адвокатот Владимир Михајловиќ од Струмица кој паралелно е и кошаркарски судија. Тој денеска со Цветков извршија припмопредавање на функцијата во Агенцијата за извршување санкции под која институција се сите казнено поправни установи.
,, Предизвиците во животот се оние кои не бодрат да менуваме и да твориме за подобро. Промените да бидат успешни секогаш зависи нашиот професионален ангажман, квалитет и мотив. Силно мотивиран за новата позиција, ветувам дека одговорно и чесно ќе служам на истата. Поддршката од претходниот Директор Борче Цветков е неминовна, на кој му посакувам многу успеси во следните предизвици“, напиша на својот ФБ профил новиот ВД директор Михајловиќ
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
