Во координоран заеднички настап со припадници на министерството за внатрешни работи СВР Струмица на ден 11.02.2026 година и општинскиот инспектор за животна средина по извршен вонреден инспекциски надзор кај правен субјект кој има дозвола за складирање и третман на отпад затекнато е како се врши согорување на електрични ротори од моторни возила со цел екстракција на бакарните елементи од истите.
Со ваквиот начин на постапување на правното лице истиот постапува спротивно на член 37 став (4) од Законот за управување со отпадот каде е забрането согорување на отпад на локации кои не се наменети за таа цел.
Констатирано е дека се работи за мал трговец и за истиот од страна на општински инспектор за животна средина е издаден прекршочен платен налог во износ од 18 000 евра за правен субјект и 1 000 евра за одговорното лице на правниот субјект согласно одредбите од член 130 став (1) точка 3 од Законот за управување со отпадот.
Се со цел спречување на прекршување на одредбите од горенаведените Закони општина Струмица апелира до граѓаните да се воздржат од палење и согорување на отпад на отворено со цел екстракција на бакар и согорување на отпад за загревање на производствените погони се со единствена цел спречување на загадување на животната средина и овозможување квалитетна и здрава животна средина.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
