Фудбалерите на Беласица ја забележаа третата првенствена победа во Втората фудбалска лига на Македонија откако на гостувањето во Виница славеше против Слога со 2:1. Александар Коцев во 76 минута и Александар Милушев во 84 минута ја донесоа победата за струмичките сино бели откако домашниот Слога имаше водство по првото полувреме.
Со новите три бода Беласица сега има вкупно 12 и се пробија на средината од второлигашката табела( три победи три реми и три пораза). Тимот на Беласица со новиот стратег Благој Гуцев заслужено ги освоија трите бода а веќе следното коло му гостуваат на Пелистер во Битола кој е во самиот врв на второлигашкото друштво
Од останатите второлгиаши од Југоистокот, Детонит Плачковица се враќа со бод од Струга каде ремизираше со Караорман додека гевгелиски Кожуф претрпе пораз со 3:0 кај Беса. Радовишани со пет победи два нерешени исхода и два пораза се на петото место со вкупно 17 бода додека гевгелискиот второлигаш е на 11 место со 10 бода
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
