Струмичка Беласица која и следната сезона ќе се натпреварува во Втората лига, денеска и официјално ги почна подготовките за новата сезона. На првиот тренинг се појавија 25 играчи од кои стручниот штаб планира да го направи првиот тим со кој ќе игра во следната натпреварувачка сезона.
Иако имаше дожд попладнево, сепак шефот на стручниот штаб на Беласица – Васе Беќаров го оддржа првиот тренинг, со што и официјално го почна темпирањето на формата за стартот на натпреварите од следниот месец.
,,Во наредниот период, ФК Беласица ќе одигра и 5 пријателски натпревари за темпирање на формата, против екипите на српска Дубочица, бугарски Симитли, Детонит Плачковица, Силекс и генералката против Вардар Неготино“, стои во објавата на ФК Беласица
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
