ФК Академија Нови Таленти од Струмица со генерација 2014 го освои меѓународниот фудбалски турнир „Анталија Пријателство КУП 2024“ на кој учествуваа екипи од повеќе држави. Екипата предводена од Оливер Христов и Миле Митев немаа пораз – прокнижаа шест победи со одличен ученик во кој предниечеа младите таленти Матеј Атанасов, Максим Тренчев и Димитриј Јорданов кои беа енигма за противничките тимови.
Струмичани турнирот го почнаа со победа над Јуниор Ташент од Узбекистан со 5:0. Во второто коло славеа против Фудбал Академија од Албанија со 2:0. Во следното коло младите таленти од Струмица славеа против Јуниор А од Узбескистан а во четвртото коло против азербејџанскиот Баерн Баку.
Во полуфиналето момците на Оливер и Миле се соочија со Манавгат Беледијаспор Академија од Турција каде славеа победа а во финалето против ФК Тамос од Казахстан.
Постигнаа 28 гола а примија само 3 што доволно говори за одличниот настап на Нови Таленти во чии редови Атанасов постигна 13, Тренчев 12 а Јорданов 3 гола
Со прикажаното младиот ФК Нови Таленти Струмица кој работи на теренот во Василево покажа дека е на добар пат да биде вистински репрезент на фудбалски квалитет во младинските погони со оглед на професионалниот пристап и работа.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
