Голем број граѓани се собраа на плоштадот во Струмица за да им оддадат почит на загинатите во пожарот во Кочани но и да испратат порака до институциите дека време е сериозно да рабoтат во интерес на граѓаните. Дел од нив палеа свеќи, други се потпишуваа во книгата на жалост а најмладите побараа промени во целиот систем оти се е гнило и страдаат токму тие.
,, Општеството ни е гнило, очигледно дека гнаси од луѓе постојат кај нас. Секој треба да си стави прст на чело и да размисли што и за кого работи. Треба целосни промени а сето тоа зависи од нас граѓаните. Не треба да дозволиме да ни се случи уште една голема несреќа за да се разбудиме. Време е да превземат одговорност и да одговараат сите оти вака не оди. За ова што ни се случи сите сме одговорни бидејки и со нашето молчење даваме амин,, коментираа струмичани кои се собраа на плоштадот
Младите ги носеа транспарентите сите со пораки кон државата, институциите за заштита, одговорност на функционерите и општество без корупција.
Во пожарот во дискотеката „Пулс“ во Кочани загина и 24 годишниот струмичанец Ѓорги Ѓоргиев кој беше тапанар во бендот на ,,ДНК“ кој настапуваше во кобната ноќ во Кочани. Ѓорги беше млад музичар и беше дел од сите музички настани во Струмица каде имаше свој перформанс и изнудуваше аплаузи од пристуните.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
