Присутните на Форумот на заедницата во рамките на проектот ,,Справување со загадувањето на воздухот“ одлучија да се гради нов парк за кој ќе се насочат средствата во висина од 340 илјади долари обезбедени од Шведска а половината од Буџетот на општината. Тоа е епилогот од двете форумски сесии што Општина Струмица го имплементира со УНДП а на кои граѓаните дебатираа за изворите на аерозагадување а предлагаа и мерки за подобрување на квалитетот на воздухот
Паркот ќе биде на површина од 13 илјади квадратни метри. Ќе се наоѓа меѓу градинката „Виножито“ и стамбените згради, веднаш до парцелата каде што општина Струмица планира да прави парк на 28 илјади квадратни метри
Како што соопштија на Форумоте, се предвидува површината од околу 13.000 m2 да се урбанизира со нов парк кој ќе содржи урбана опрема (клупи, „паметни“ клупи со ПВ панели и приклучоци за полнење на мобилни телефони, инфраструктура за отпад, паметно осветлување со ЛЕД светилки и ОИЕ), пешачка патека и делови за рекреација.Се планира на оваа површина да се насадат околу 300 веќе израснати садници.
,,Поради локација на овој парк во ново изградена и густо населена населба во градот Струмица, овој парк ќе овозможи дополнителна можност на граѓаните за спорт, рекреација и пристап до чист воздух.,, кажаа на Форумот
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
