Струмичани со протестен марш го изразија својот револт што институциите не го решаваат проблемот со загадениот воздух. Со години Струмица е меѓу најзагадените градови во земјава. Досега никој не е казнет, а граѓаните се трујат.
„Време е конечно да се преземе нешто. Не можеме да се труеме, а институциите да дремат. Не може Струмица да биде на врвот на најзагадените градови во земјава, а никој да не биде казнет. Мора да има казни за загадувачите, да има инспекции и контролиНе сме свесни што дишеме. Еден ден ова како бумеранг ќе ни се врати по нашето здравје. Мора граѓаните да го кренат гласот оти вака не оди. Одговорните мора да најдат решение, а не само да си ја префрлуваат топката едни на други. Сакаме чист воздух“, коментираа струмичани
Јавно да се објават кои фабрики, какви филтри имаат поставено и што испуштаат во воздухот, побараа екоактивистите од локалната и државната власт кои сметат дека казни мора да има.
„Бараме привремена забрана за работа на индустриските погони со висок степен на загадување додека не се инсталираат филтри, фирмите што немаат филтри веднаш да бидат затворени, контрола на согорувањето на опасни и несоодветни материјали во пластеници и индустриски објекти, затворање на дивите депонии, зачестена контрола на нелегалната сеча, забрана на дотур на огревно дрво кое не било отстоено во склад минимум осум месеци и формирање на социјален интервентен буџет за социјални семејства за нивно затоплување со огревно дрво“, кажа Оливера Аризанова-Мансбарт од „Здрава котлина“.
Или чист воздух или граѓански отпор, ова беше крајната порака на струмичани кои протестот го завршија пред општинската зграда.
Изминативе два месеца Струмица беше во црвената зона со загаден воздух. Министерството за животна средина четирипати издаде мерки и препораки до институциите за да ги заштитат граѓаните од високите нивоа на штетни ПМ честички. Освен овие честички, има и високи концентрации на сулфур диоксид, велат од „Здрава котлина“
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
