Струмичани контуинирано доаѓаат на струмичкиот плоштад и палат свеќи за да им оддадат почит на загинатите во големата трагедија во Кочани каде загинаа 59 лица а околу 150 се повредени. Со молчење и неверување ја споделуваат тагата од новата трагедија што ја зафати Македонија во која животот го загуби и младиот талентиран музичар од Струмица Ѓорге Ѓоргиев познат како ,,Џочето тапанаро“.
Беа изложени дел од тапаните со кои 24 годишниот Ѓорги секогаш каде што настапуваше знаеше да направи одлични перформанси и да изнуди воздишки и аплауз од присутните. Неговиот последен настап пред струмичани беше на концерот под маски на ОМУ Боро Џони каде исто така имаше својат точка. Погледите на струмичани и вечерва беа вперени во неговите инструменти кои во иднина ќе сведочат за неговите настапи и музицирање.
На плоштадот дојдоа и негови колеги кои запалија свеќи и едноставно не можеа да веруваат што се случи со Џоче кој беше дел од повеќе локални бендови и секогаш насмеан и позитивен кој зборовите ги заменуваше со чукањето во тапаните.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
