МВР извести дека вчера во 15.55 часот во полициската станица во Гевгелија било пријавено дека на улицата „Нов булевар Гевгелија“, И.К.(76) од Струмица, управувајќи возило „опел“ изгубил контрола и со возилото удрил во паркиран автобус „волво“.
,,На 28.07.2024 во 15.55 часот во Полициската станица Гевгелија било пријавено дека на ул.„Нов булевар Гевгелија“ во Гевгелија, И.К.(76) од Струмица, управувајќи патничко возило „опел“ со струмички регистарски ознаки, изгубил контрола и со возилото удрил во паркиран автобус „волво“ со гевгелиски регистарски ознаки. И.К. починал на местото на настанот, а смрт констатирал лекар од Итна медицинска помош Гевгелија,, информираа од МВР.
Увид на местото на несреќата извршиле јавен обвинител од Основно јавно обвинителство Гевгелија и екипа на ОВР Гевгелија. По наредба на јавен обвинител телото на починатиот било предадено на обдукција.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
