Струмичанец кој на 22-ри месецов се вратил од Италија во Струмица, утрово сам се јавил во болница заради покачена температура. Од него е земен материјал за тестирање на коронавирус и резултати ќе бидат готови во текот на денот, информираше на денешната прес-конференција министерот за здравство Венко Филипче
„Струмичанец до сега немал индикации дека е болен се додека не покачил температура нешто над 37 степени. Лицето утрово само се јавило на тестирање“ – кажа министерот Филипче на прес конференцијата
Тој соопшти дека во земјава не се регистрирани нови случаи на заболувања од овој вирус а патниците со неа меѓу кои и струмичани остануваат во изолација. Министерот Венко Филипче истакна дека до влада доставил предлог да се ограничат масовните јавни собири
,,Сметам дека треба да се откажат сите големи јавни собири, вклучувајќи ги и спортските настани. Се е во насока на превенција“, кажа Филипче
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
