51-годишен маж од Струмица е приведен откако бил фатен како управува возило под дејство на алкохол со шокантни 2,19 промили во крвта. Настанот се случил синоќа, на улицата Гоце Делчев во Штип, околу 19:45 часот.
Полицијата соопшти дека струмичанецот, со иницијали Р.П., управувал патничко возило марка „фолксваген пасат“ со струмички регистарски таблички, кога бил запрен од сообраќајна патрола на СВР Штип. При извршената контрола, било утврдено дека се наоѓа во алкохолизирана состојба, по што веднаш бил лишен од слобода.
„По преземени мерки и алкотестирање, констатирано е присуство на 2,19 промили алкохол, што е значително над дозволената граница. Против лицето ќе биде поднесена кривична пријава по член 297-а од Кривичниот законик за безобѕирно управување со моторно возило“ соопштија од Министерството за внатрешни работи.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
