Струмичанецот Југослав Тренчовски кој беше еден од креаторите и долго време стратег во „Академија Пандев“ сега „Брера Струмица“, наредната натпреварувачка сезона ќе го предводи словенскиот прволигаш Радомље. Веста ја објави клубот истакнувајки дека Тренчовски кој неколку сезони бил во азискиот фудбал сега се сели на европско тло. Тренчовски за клупскиот сајт кажа дека ќе се обиде онаа што го направи со Академија Пандев цели 12 години да го преточи во словенскиот прволигаш, каде фокусот им се младите фудбалери и нивниот развој.
„Го следам Радомље три години. Го знам проектот и што сака да постигне клубот. Тие сакаат да презентираат млади фудбалери и да им помогнат да напредуваат во кариерата. Јас правев нешто слично 12 години во Македонија, каде што формиравме клуб кој сега се вика Брера. Започнавме со младинска школа, почнавме во четврта лига и се пласиравме во првата, па дури и го освоивме купот во сезоната 2018/19. Во Радомље, сличен начин на работа е, па затоа бев среќен што го прифатив предизвикот, кој ги почитува принципите на фудбалската игра, принципите на развој на играчите. Брзо се согласивме“, истакна Тренчовски
Тој веќе го имаше првиот тренинг со Радомље. Според него тимот е на добар пат за добри резултати но ќе мора посветено да се работи за поголеми резултати. Радомље последното првенство го заврши на 8 позиција . Од вкупно 36 меча забележаа 10 победи 5 нерешени натпревари и 21 пораз.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
