Основачот на „One Way Dance Studio“ од Струмица и интернационален судија при IDO (Интернационалната танцова организација) – ПАНЧЕ ДИМОВ е избран за претседател на Македонската Асоцијација за модерни танци. Вчера во Скопје се одржаа избори на оваа Асоцијација каде што членуваат повеќе студија и клубови од земјава кои негуваат модерни и ритмички танци при што Панче Димов е избран за прв човек во наредниот мандат. За потпретседател на асоцијацијата е избрана Катерина Јолакоска, за генерален секретар Трајче Петковски, за судиски директор Емилија Достинова, и за спортски директор Илија Карадакоски.
Панче Димов со своето студиото за модерен танц “One Way Dance Studio“ во Струмица донесе многу национални и меѓународни натпреварувања во модерни танци. Илјадници танчери од земајва и странство беа дел од натпреварите докажувајки се во модерните танци токму во Струмица која на 9 и 10 мај повторно ќе биде домаќин на повеќе од 2000 танчери од Македонија и регионот на интернационалното натпреварување Artist Hub Dance Competition.
“One Way Dance Studio“ од Струмица се отвори во септември 2017. Нивните членови се дел и од повеќе настани и младински иницијативи во Струмица и регионот (С.Т.)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
