Струмица ќе гасифицира нови 8 општински објекти со цел да се намали употребата на нафтата и дрвата како енергенс во борбата за намалување на аерозагадувањето во општината во која на стартот на грејната сезона мерните станици покажа концентрација на ПМ 10 честички повеќе од дозволеното.
Како што информираше градоначалникот Коста Јаневски од државата се добиени околу 5 милиони денари за инсталирање на горилници на плин. Тие ќе бидат за зградата на урбанизмот, ЈПКД Комуналец, Клон 2 и Клон 5 од Детска радост, основните училиште во Муртино, Дабиле, Просениково и подрачното во Банско.
Паралелно Домот на АРМ со околу 2 милиони денари ќе стане енергетско ефикасен објект а струмичката болница од наредната година ќе се грее на гас. Јаневски кажа дека во трите средни училишта во Струмица ќе се инсталираат прочистувачи на воздух како и во основните училишта Сандо Масев, Видое Подгорец и Маршал Тито за што во тек била јавната набавка.
Општинските власти најавуваат зачестени контроли во координација со полицијата откако им наложи на сите оператори кои поседуваат Б интегрирани дозволи да водат дневни извештаи за испуштање на емисии.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
