Деновиве треба да отпочне постапката за новогодишно украсување на градот Струмица. Скопската фирма Линк Медија Плус го доби тендерот за 8 милиони денари и 467 илјади денари со вклучен ДДВ или за околу 137 илјади евра. Ова фирма била единствената што се јавила на распишаната јавна набавка од страна на ЈП Паркиралишта и при крајот на минатиот месец е склучен договорот меѓу двете страни.
Според потпишаниот договор, Струмица треба да светне со околу 500 светлосни фигури, лед сијалци, светлосни мрежи, мразулци, 3D фигури, светлосни портали, тунели, светлосни дрвца, опшивки на канделабри, палми, борчиња, дрвца и грмушки како и со околу половина километар светлосно небо на плоштадот и корзото.
Ќе бидат поставени пет новогодишни елки. Најголемата од 20 метри ќе биде на плоштадот со smart led flash сијалици. Ќе има две од по 10 метри . Едната ќе биде кај собранието а другата кај Шалом. Паралелно планирани се и две столбни елки со висина од по пет метри кои ќе бидат на булеварите Ленинова и Гоце Делчев.
Според Договорот, Струмица треба да биде украсена до 25 јануари а одделни позиции ќе бидат демонтирани по завршување на карневалот. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
