Струмица со повеќе промотивни матријали и видеа ќе се обиде да се позиционира како добро место за живот, туризам и водење бизнис. Синоќа беше промовиран Брендот Струмица со слоганот ,,Струмица ѕвезда под небото’’ кој може да го користат сите, со цел да се привлечат повеќе посетители, инвестиции и туристи во ова општина која со своите потенцијали веќе стана препознатлива не само во земјава туку и во странство.
“Сакаме да ја зајакнеме позитивната слика за Струмица со креативни слогани, видеа. Во првата фаза ќе се промовира генералната слика на Струмица нејзините природни убавини, карневалот а во втората фаза ќе се промовираат производи, компании, настани и идеи произлезени од градот ѕвезда Струмица”, објасни Ѓоко Ристевски носител на проектот финансиран од програмата за прекугранична соработка со Грција
Со промотивните матријали изработени од Марјан Ѕингаров, Никола Маџиров и Александар Дончев кои ќе бидат презентирани во земјава и странство, градоначалникот на Струмица очекува поголема посетеност но и повеќе инвестиции
,,Брендот „Ѕвезда под небото“ ќе ја заинтригира човековата љубопитност, ќе го примами секој посетител, потенцијален инвеститор, деловен соработник, уметник или патник, да ги прими со сите сетила спецификите на градот и да го рашири добриот глас на долго и на широко по белиот свет”, кажа градоначалникот Јаневски.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
